Cyfansoddiad

Y CYFANSODDIAD FEL Y MABWYSIADWYD AR 11 HYDREF 2007

1.       Nodau a Phwrpas

 

 

a)       Mae Public Affairs Cymru (PAC) yn gyfrifol am y canlynol:

 

·         cynghori ynglyn ag arfer broffesiynol mewn materion cyhoeddus yng Nghymru

·         codi ymwybyddiaeth, a hefyd

·         mwyhau enw da materion cyhoeddus yng Nghymru

 

b)       Er mwyn cyflawni hyn bydd PAC yn:

 

·         Darparu cyfleoedd rheolaidd i aelodau glywed a thrafod barn a hanes achosion gyda siaradwyr perthnasol.

·         Cynnal digwyddiadau cymdeithasol er mwyn annog rhwydweithio.

·         Cyfathrebu ag aelodau PAC sy’n byw neu’n gweithio oddi mewn i ardal ddaearyddol Cymru.

·         Cefnogi dwyieithrwydd a cheisio trin y Gymraeg yn gyfartal â’r Saesneg mewn cyfathrebiadau ag Aelodau.

·         Ymateb i neu gychwyn datganiadau polisi sy’n effeithio ar faterion cyhoeddus.

·         Creu a chynnal gwefan gyda lleiafswm o fanylion am y sefydliad am y sefydliad, digwyddiadau a swyddogion.

·         Annog a hwyluso gweithgareddau datblygiad proffesiynol ar gyfer aelodau

 

c)       Mae PAC yn cefnogi dwyieithrwydd, gan gydnabod y bydd y Pwyllgor Gwaith yn gyfrifol am gynnal gwefan gan gynnwys gwybodaeth am y sefydliad, digwyddiadau a manylion cysylltu am y swyddogion.

 

2.       Aelodaeth

 

 

a)       Diffiniad

(i)                   Mae aelodaeth yn agored i bob unigolyn oddi mewn i faterion cyhoeddus a chysylltiadau llywodraeth yng Nghymru.

(ii)                 Gall aelodau ymuno naill fel unigolion preifat neu aelodau sefydliadol, ac mae’n rhaid iddynt nodi hynny fel y cyfryw ar y ffurflen aelodaeth, ac maent yn dal yn gyfartal o ran statws a hawliau pleidleisio,

(iii)                Mae aelodau unigol yn gyfrifol am dalu eu ffi aelodaeth eu hunain, ac ni restrir unrhyw sefydliad y maent yn perthyn iddo ar y wefan.

(iv)               Mae’n rhaid i aelodau sefydliadol drefnu taliad eu tâl aelodaeth drwy eu cyflogwr. Bydd y sefydliad yn cadw’r aelodaeth a gellir ei throsglwyddo oddi mewn i’r sefydliad hwnnw i unigolyn arall. Rhestrir y cyfryw sefydliadau ar wefan PAC.

 

b)       Ffioedd

(i)                   Telir y ffi aelodaeth yn flynyddol ac mae’n dod yn ddyledus ar ôl pob CCB. Mae’r cyfnod aelodaeth yn rhedeg am flwyddyn o'r diwrnod ymuno.

(ii)                 Cytunir y lefel bob blwyddyn yn y CCB gan fwyafrif yr holl aelodaeth. Ar gyfer 2007/8 y ffigwr a osodir yw £35.

 

3.       Cyfarfod Cyffredinol Blynyddol

 

 

a)       Gweithdrefn

(i)                   Mae’n rhaid i’r Pwyllgor Gwaith ddarparu ar gyfer Cyfarfod Cyffredinol Blynyddol.

(ii)                 Bydd rhybudd o 25 diwrnod gwaith o CCB, a hysbysir yr holl aelodau trwy’r post a bydd hysbysiad yn ymddangos ar y wefan..

(iii)                Er mwyn iddo fynd yn ei flaen, mae’n rhaid i CCB gael cworwm o 25% o’r aelodaeth.

(iv)               Dim ond yn ystod CCB y gellir derbyn a phleidleisio ar unrhyw gynigion i newid y cyfansoddiad. Rhaid cyflwyno cynigion yn ysgrifenedig i fyny at a chyn 7 niwrnod cyn y CCB a gellir eu pasio trwy fwyafrif syml.

 

b)       Agenda (yn y drefn gronolegol ofynnol)

(i)                   Bydd y Pwyllgor Gwaith yn cwblhau a chyflwyno adroddiad ar ei weithgareddau yn ystod y flwyddyn flaenorol.

(ii)                 Bydd y Pwyllgor Gwaith o’r flwyddyn flaenorol yn cyflwyno Datganiad Ariannol i’r aelodaeth.

(iii)                Cynhelir etholiadau i’r Pwyllgor Gwaith yn ôl adran 4 o’r Cyfansoddiad.

(iv)               Cymerir pleidlais ar Adran 2b(ii) ynglyn â’r ffi aelodaeth am y flwyddyn sy’n dod.

(v)                 Newidiadau i’r Cyfansoddiad.

(vi)               Dadl a phleidleisiau ar unrhyw fesurau.

 

c)       Cyfarfod Cyffredinol Arbennig

(i)                   Gellir galw Cyfarfod Cyffredinol Arbennig (CCA) ar ôl derbyn deiseb wedi'i harwyddo gan 25% o’r aelodaeth, sydd wedi'i chyflwyno i’r Gadair neu’r Is-Gadair.

(ii)                 Rhaid cynnal CCA a elwir yn y modd hwn o fewn mis i’r ddeiseb gael ei derbyn, ac mae’n rhaid cynnwys cyfnod rhybudd ysgrifenedig o 10 diwrnod gwaith.

(iii)                Mae cynnwys y ddeiseb yn diffinio a chyfyngu gorchwyl y CCA i’r mater(ion) hynny yn unig..

 

4.       Gweithdrefnau Etholiadau

 

 

a)       Amserlen

(i)                   Bydd Swyddog Etholiadau yn goruchwylio pleidlais gudd o aelodau i’r Gadair a’r Pwyllgor Gwaith.

(i)                   Etholir y Swyddog Etholiadau o’r Pwyllgor Gwaith gan y Pwyllgor Gwaith chyhoeddir ei enw/henw yn yr hysbysiad cyntaf i aelodau am y CCB.

(ii)                 Rhaid i’r Swyddog Etholiadau ofyn am enwebiadau 25 diwrnod gwaith cyn dyddiad y CCB. Rhaid e-bostio hysbysiad i’r holl aelodau ynghyd â’i bostio ar y wefan..

(iii)                Bydd enwebiadau yn cau 5 diwrnod gwaith cyn y CCB.

 

b)       Enwebiadau

(i)                   Rhaid i ymgeiswyr fod yn aelod taledig er mwyn sefyll etholiad.

(ii)                 Rhaid i ymgeiswyr enwebu eu hunain a chael eu heilio gan ddau aelod taledig o PAC.

(iii)                Rhaid e-bostio enwebiad dilys i’r Swyddog Etholiadau yn Elections@publicaffairscymru.org gan atodi e-bostiadau’r ddau eilydd. Bydd y Swyddog Etholiadau yn cydnabod derbyn yr enwebiad dilys trwy e-bost o fewn 5 niwrnod gwaith.

(iv)               Postir enwau’r holl ymgeiswyr dilysedig ar y wefan ar y dydd y mae enwebiadau’n cau..

(v)                 Gall ymgeisydd gyflwyno datganiad 250 o eiriau fan bellaf cyn i enwebiadau gau, a bydd y Swyddog Etholiadau yn ei bostio ar wefan PAC yn ddwyieithog.

(vi)               Gall ymgeiswyr sefyll ar gyfer y Gadair a/neu’r Pwyllgor Gwaith a defnyddio’r un enwebwyr. Mae’n rhaid i e-bost enwebu ymgeisydd nodi ar gyfer p’un neu’r ddwy swyddogaeth y maent yn dymuno sefyll.

 

c)       Etholiad

(i)                   Yn y CCB, bydd y Swyddog Etholiadau yn penodi dau archwiliwr o aelodaeth gyffredinol PAC nad ydynt yn Aelodau’r Pwyllgor Gwaith na chwaith lle bo hynny’n bosibl yn Ymgeiswyr neu enwebwyr. Cymerir enwebiadau am archwilwyr o’r llawr gan bleidleisio drostynt drwy godi dwylo os oes rhaid.   Bydd archwilwyr yn cadw eu hawl i bleidleisio.

(ii)                 Bydd papurau pleidleisio wedi'u codio gan y Swyddog Etholiadau ac nid ydynt i’w datgelu i neb arall ar wahân i archwilwyr pe cwestiynir dilysrwydd etholiad gan aelod o PAC.

(iii)                Cyhoeddir dwy ffurflen bleidleisio i bob aelod. Bydd un ar gyfer y Gadair ac un ar gyfer y Pwyllgor. Bydd enwau’r enwebedigion dilysedig ar bob un o’r papurau. Bydd aelodau yn cael un bleidlais ar gyfer y Gadair ac wyth ar gyfer y Pwyllgor. Bydd nwy ha hyn o bleidleisiau yn gwneud y papur pleidleisio’n annilys. Dylid bod hyn wedi'i egluro ar y papur pleidleisio.

(iv)               Cynhelir y ddau etholiad (ar gyfer y Gadair ac ar gyfer y Pwyllgor Gwaith) gan ddefnyddio Cyntaf i’r Felin.

(v)                 Dim ond ar noson yr etholiad y rhoddir papurau etholiad i bob aelod taledig o PAC, a bydd yn rhaid arwyddo amdanynt. Ni chaniateir unrhyw bleidleisiau dirprwyol na phleidleisiau trwy’r post.

(vi)               Pe ddigwydd anghysondeb, bydd dyfarniad y Swyddog Etholiadau a’r ddau archwiliwr yn derfynol.

(vii)              Gellir ethol ymgeisydd dilysedig in absentia. Pe ddigwydd mai’r Gadair newydd yw ef/hi, bydd Cadair y CCB yn parhau yn ei swyddogaeth tra pery’r cyfarfod hwnnw.

(viii)            Cymerir etholiad y Gadair yn gyntaf a bydd ef/hi yn dod i’w swydd yn union wedi etholiad dilynol yr wyth swyddogaeth sydd ar ôl y Pwyllgor Gwaith.

 

5.        Pwyllgor gwaith

 

 

a)       Cyffredinol

(i)                   Cyfrifoldeb y Pwyllgor Gwaith yw rheolaeth feunyddiol PAC.

(ii)                 Bydd y Pwyllgor yn sicrhau y gweithredir ac y cynhelir nodau a dibenion PAC i’r safon uchaf.

(iii)                Mae’n rhaid i holl aelodau’r Pwyllgor Gwaith ymrwymo y byddant, wrth gymryd rhan yng ngweithgareddau PAC y byddant yn ymddwyn yn briodol a chyda gofal at eu hunain, enw da PAC a holl bersonau ac eiddo arall.

(iv)               Ystyrir y bydd unrhyw aelod o’r Pwyllgor Gwaith nad yw wedi mynychu tri chyfarfod dilynol o’r Pwyllgor heb reswm dilys, wedi ymddiswyddo o’r Pwyllgor Gwaith a gellir llenwi’r fath le gwag trwy gyfethol.

(v)                 Bydd PAC yn cadw cyfrif banc, a gynhelir gan y Trysorydd, a bydd ef/hi yn darparu cyfrifon blynyddol i’r Cyfarfod Cyffredinol Blynyddol. Bydd gan y cyfrif dri o lofnodwyr gan gynnwys y Gadair a’r Trysorydd.

 

b)       Rolau

(i)                  Bydd y Pwyllgor Gwaith yn cynnwys Cadair, Ysgrifennydd y Pwyllgor Gwaith, Swyddog Aelodaeth, dau Swyddog Digwyddiadau, Trysorydd, Swyddog Cyfathrebiadau Mewnol (Gwefan), Swyddog Cyfathrebiadau allanol (CC) a Swyddog Polisi.

(ii)                 Diffinnir holl rolau’r Pwyllgor Gwaith yn Atodiad A i’r cyfansoddiad hwn.

(iii)                Yng nghyfarfod cyntaf y Pwyllgor gwaith (yn dilyn y CCB), cynhelir etholiad, gan ddefnyddio’r Cyntaf i’r Felin, i ddyrannu’r wyth rôl oddi mewn i 5.b(i).

(iv)               Bydd y Gadair yn gweithredu fel Swyddog Etholiadau ac mi all gynnal pleidlais gudd os oes unrhyw aelod o’r Pwyllgor Gwaith yn gofyn am hyn. Bydd y Gadair yn gofyn am enwebiadau. Mae hi felly’n hanfodol fod unrhyw ymgeisydd sy’n sefyll am y Gadair yn y CCB yn ymwybodol bod yn rhaid iddo fe/hi fynychu cyfarfod cyntaf y Pwyllgor Gwaith.

(v)                 Unwaith y bydd rolau’r Pwyllgor gwaith wedi'u llenwi, cynhelir etholiad wedi hynny i ethol un o’r Pwyllgor Gwaith i rôl ychwanegol Is-Gadair.

(vi)               Ni all unrhyw aelod o’r Pwyllgor Gwaith wasanaethu fel swyddog yn yr un swyddogaeth am gyfnod o fwy na dwy flynedd yn olynol.

 

c)       Gweithdrefn fusnes y Pwyllgor Gwaith

(i)                   Y cworwm ar gyfer unrhyw gyfarfod o’r Pwyllgor Gwaith fydd pump.

(ii)                 Bydd y Pwyllgor Gwaith yn cwrdd ar ail ddydd Iau pob mis. Bydd Ysgrifennydd y Pwyllgor Gwaith, gan gymryd barn y Pwyllgor i ystyriaeth, yn llogi lleoliad ar gyfer pobl cyfarfod o’r Pwyllgor, a chymryd cofnodion pob cyfarfod. Ysgrifennir cofnodion i fyny a’u cylchlythyru i holl aelodau’r Pwyllgor o fewn 10 diwrnod gwaith.

(iii)                Bydd Ysgrifennydd y Pwyllgor Gwaith yn danfon Cais am eitem Agenda allan i holl aelodau’r Pwyllgor dwy wythnos cyn pob cyfarfod. Danfonir Agenda, ynghyd â phwyntiau gweithredu o’r cyfarfod blaenorol, allan wythnos cyn pob cyfarfod.

(iv)               Gall aelodau PAC nad ydynt ar y Pwyllgor Gwaith gyflwyno ceisiadau am eitemau agenda trwy’r ysgrifennydd.

(v)                 Postir penderfyniadau a chyhoeddiadau allweddol o’r Pwyllgor Gwaith ar y wefan.

 

ch)    Lleoedd gwag a chyfethol

(i)                   Bydd gan y Pwyllgor Gwaith y pwer i gyfethol aelodau o lenwi unrhyw leoedd gwag angenrheidiol a/neu gynyddu maint y Pwyllgor tan y CCB nesaf.

(ii)                 Mae defnyddio’r pwer hwn i gyfethol yn ofodol arno pe ddigwydd i nifer yr aelodau o’r Pwyllgor Gwaith a etholir yn uniongyrchol ddisgyn i lai na phump.

 

 

 

Atodiad A – Disgrifiadau Swyddi’r Pwyllgor Gwaith

 

 

Cyfrifoldebau generig – bydd y rhain yn gymwys ar gyfer holl aelodau’r Pwyllgor Gwaith

 

 

Holl Aelodau’r Pwyllgor Gwaith

 

1)       Mynychu cyfarfod o Bwyllgor Gwaith PAC a chyfrannu i’w waith.

2)       Gweithio i ddiogelu enw da a gwerthoedd y sefydliad

3)       Helpu hyrwyddo gwaith MCC i drwch yr aelodaeth a denu aelodau dichonol.

4)       Cymryd rôl weithredol yn amcanion MCC

5)       Cyfrannu at weinyddiad effeithiol ac effeithlon y sefydliad

6)       Cynrychioli’r sefydliad mewn digwyddiadau, pwyllgorau ayb

7)       Rhaid defnyddio cyfeiriadau e-bost unigol (h.y. Chair@publicaffairscymru.org) ar gyfer pob busnes PAC er mwyn sicrhau dilyniant rhwng y Pwyllgorau a etholir yn flynyddol.

 

 

Cyfrifoldebau ychwanegol ar gyfer pob un o’r swyddogaethau

 

 

Y Gadair

1)       Sicrhau bod PAC yn canlyn ei amcanion yn ôl diffiniad ei ddogfen llywodraethu

2)       Diogelu enw da a gwerthoedd y sefydliad

3)       Sicrhau gweinyddiad effeithiol ac effeithlon y sefydliad

4)       Cadeirio a hwyluso cyfarfodydd

5)       Monitro y gweithredir penderfyniadau a gymerir mewn cyfarfodydd

6)       Gweithredu fel blaen llefarydd y sefydliad fel bo hynny’n briodol

7)       Dod ag amhleidioldeb a gwrthrychedd i wneud-penderfyniadau

 

 

Ysgrifennydd y Pwyllgor

1)       Gosod yr Agenda ar gyfer cofnodion

·         trwy ofyn am eitemau ddwy wythnos cyn y cyfarfod

2)       Cymryd cofnodion y cyfarfod

·         Cofnodion i’w hysgrifennu i fyny a’u cylchredeg i holl aelodau’r Pwyllgor o fewn 10 diwrnod gwaith (os nad yw’r Pwyllgor yn cytuno fel arall ymlaen llaw)

·         Ail-ddanfon cofnodion gydag Agenda (wythnos cyn y cyfarfod) yn nodi pwyntiau gweithredu ar gyfer holl aelodau’r Pwyllgor Gwaith

3)       Cynghori’r Gadair ynglyn â mecanwaith / rhaglennu / trefniadau ar gyfer cyfarfodydd

4)       Cynnal cronfa ddata cysylltiadau ar gyfer aelodau o’r Pwyllgor Gwaith

5)       Sicrhau cworwm cyn cyfarfod o’r Pwyllgor gwaith a chanslo’r cyfarfod os yw’r presenoldeb yn rhy isel

6)       Cynnal a chylchredeg rhestr cysylltiadau diweddaredig ar gyfer aelodau o’r Pwyllgor Gwaith

 

 

Trysorydd

1)       Gwneud cofnod o dderbynebion a thaliadau i’r sefydliad ar gyfer Ionawr i Ragfyr a darparu cofnod blynyddol i’r sefydliad.

2)       Darparu adroddiad trysorydd ar gyfer y CCB ym mis Hydref bob blwyddyn. Rhaid i’r cofnodion gael eu cynnig a’u heilio.

3)       Agor y cyfrif banc gan wneud unrhyw newidiadau i’r trefniadau gyda’r banc a ddefnyddir gan PAC.

4)       Cadw gofal o’r llyfrau cyfrifon, gan gynnwys y ‘llyfr talu i mewn’ a llyfr sieciau PAC.

5)       Bod yn gyfrifol am dalu sieciau ar gyfer unrhyw gostau y bydd PAC wedi mynd atynt.

6)       Bod yn gyfrifol am dalu unrhyw sieciau a wneir yn daladwy i’r sefydliad.

7)       Danfon  anfonebau a derbynebion fel bo’r angen a chadw cofnod blynyddol o’r rhain.

8)       Mae hi’n arferol cadw papurau i gefnogi cyfrifon am gyfnod o chwe blynedd. Bydd hi’n bwysig trosglwyddo pob gwaith papur a manylion am gyfrifon ymlaen i’r trysorydd newydd pan fydd cyfnod y swyddogaeth yn dod i ben.

 

 

 
Swyddog Cyfathrebiadau Mewnol (Gwefan)

1)       Datblygu a hyrwyddo polisi cyfathrebiadau mewnol ar gyfer Materion Cyhoeddus Cymru, gan sicrhau ‘r defnydd o gyfeiriadau e-bost safonedig a diwyg unffurf ar gyfer dogfennau.

2)       Datblygu a chynnal mecanweithiau i aelodau eraill o’r Pwyllgor Gwaith fewnbynnu yn uniongyrchol i ddiweddaru gwefan PAC.

3)       Gweithio gyda’r Gadair a’r Swyddog Aelodaeth i ddatblygu cysylltiadau mewnol gyda’r aelodaeth a noddwyr.

4)       Arwain (gan weithio gyda’r Swyddog Cyfathrebiadau Allanol) ynglyn â datblygu polisi dwyieithog effeithiol, cynhwysfawr ac ymarferol ar gyfer PAC.

5)        Gweithio gyda’r Swyddog Aelodaeth a’r Swyddog Cyfathrebiadau Allanol i sefydlu cynlluniau effeithiol a chyhoeddus ar gyfer recriwtio a chanfod aelodau..

 

 
Swyddog Cyfathrebiadau Allanol (CC)

1)       Datblygu a hyrwyddo polisi cyfathrebiadau allanol effeithiol ar gyfer Materion Cyhoeddus Cymru.

2)       Sefydlu a chynnal cysylltiadau allweddol politicaidd a chyfryngol. Cydgysylltu gyda chyhoeddiadau perthnasol er mwyn sicrhau mewnbwn rheolaidd ar ffurf erthyglau, colofnau a lluniau o ddigwyddiadau PAC.

3)       Gweithio gyda’r Gadair ac aelodau perthnasol eraill o Bwyllgor Gwaith PAC i ysgrifennu erthyglau.

4)       Gweithio gyda’r Swyddog Cyfathrebiadau Mewnol ar ddatblygu polisi dwyieithog effeithiol, cynhwysfawr ac ymarferol.

5)       Gweithio gyda’r Swyddog Aelodaeth a’r Swyddog Cyfathrebiadau Mewnol i sefydlu cynlluniau effeithiol a chyhoeddus ar gyfer recriwtio a chanfod aelodau.

 

Swyddog Aelodaeth

1)       Cynnal cronfa ddata o aelodau sydd wedi talu’n llawn. Mae’n rhaid i hwn gynnwys p’un ai ydynt yn aelodau unigol neu sefydliadol er mwyn i statws yr aelodaeth parthed trosglwyddedd gael ei bennu’n hawdd.

2)       Cynnal cronfa ddata o gysylltiadau fel ‘aelodau dichonol’.

3)       Cydgysylltu yn agos â’r Gadair, Swyddog Cyfathrebiadau Mewnol (Gwefan) a’r trysorydd er mwyn sicrhau y diweddarir y rhestr aelodau yn rheolaidd.

4)       Cynnal ymgyrchoedd aelodaeth yn rheolaidd.

5)       Darparu diweddariadau rheolaidd i’r Pwyllgor Gwaith a’r aelodaeth yn gyffredinol ynglyn â statws aelodaeth PAC.

6)       Adolygu polisi aelodaeth PAC yn rheolaidd er mwyn sicrhau ei fod yn gynhwysol ac archwilio categorïau aelodaeth ychwanegol i’w hadolygu yn y CCB.

7)       Darparu gwaith papur perthnasol i aelodau newydd.

 

 

Swyddogion Digwyddiadau (x2)

1)       Sicrhau bod rhaglen o ddigwyddiadau gydol y flwyddyn.

2)       Cytuno rhaglen o ddigwyddiadau gyda’r Pwyllgor Gwaith. Mae’n bosibl y bydd angen i’r Pwyllgor gwaith benderfynu pa Swyddog Digwyddiadau sy’n arwain parthed rhyw ddigwyddiad neu a ddylai’r ddau Swyddog weithio ar wahân ar wahanol ddigwyddiadau.

3)       Goruchwylio’r holl ddigwyddiadau rheolaidd ac allgyrsiol mewn rôl gydlynu er mwyn sicrhau dilyniant ac osgoi dyblygu neu wrthdrawiadau. Mae’n rhaid i’r ddau Swyddog Digwyddiadau sicrhau bod y llall yn ymwybodol o’r holl ddigwyddiadau sydd ganddynt ar y gweill.

4)       Gweithio gyda’r Trysorydd er mwyn sicrhau y defnyddir dulliau priodol ar gyfer anfonebau a derbynebion ar gyfer pob digwyddiad.

5)       Sicrhau y cynhelir digwyddiadau i safon uchaf proffesiynoldeb

6)       Goruchwylio cyswllt gyda noddwyr a darparwyr ac unrhyw bartner digwyddiad arall.

7)       Cynnal pob digwyddiad oddi mewn i’r gyllideb a gymeradwyir gan y Pwyllgor Gwaith.

 

 

Swyddog Polisi

1)       Sicrhau bod rhaglen o ddigwyddiadau a yrrir gan bolisi gydol y flwyddyn, gan weithio ar y cyd â’r Swyddogion Digwyddiadau.

2)       Monitro’r holl ddeddfwriaeth a blaengareddau polisi perthnasol a dod â nhw at sylw PAC pan fo hynny’n briodol.

3)       Arwain ar ymatebion ymgynghori a galwadau eraill am dystiolaeth oddi wrth y Llywodraeth ac asiantaethau cysylltiedig.

4)       Gweithio gydag aelodau o’r Pwyllgor Gwaith ar ddatblygu polisïau mewnol.

5)       Cynhyrchu briffiau ar gyfer aelodau o’r pwyllgor Gwaith ar ddeddfwriaeth a pholisïau perthnasol y Llywodraeth.

6)       Cynhyrchu briffiau ar gyfer aelodau llawn PAC ynglyn â deddfwriaeth a pholisïau perthnasol y Llywodraeth gan sicrhau, gyda’r Swyddog Cyfathrebiadau Mewnol yr hysbysir ac y postir y rhain ar y wefan.

 

 

Is-Gadair

Bydd hon yn swyddogaeth ychwanegol a ddisgwylir oddi wrth un o’r Swyddogion uchod. Bydd y dyletswyddau'r un peth â’r Gadair a chânt eu gweithredu ond pan nad yw’r Gadair ar gael ar gyfer digwyddiadau’r Pwyllgor Gwaith neu aelodau llawn.

 

</DIV>